გაკვეთილის გეგმა "გრადუსთა ბადე და გეოგრაფიული კოორდინატები"

გაკვეთილის თემა	გრადუსთა ბადე და დედამიწის კოორდინატები
მასწავლებლის სახელი და გვარი	ნინო ნაკაშიძე
სწავლების საფეხური	საბაზო საფეხური(7)კლასი
მოსწავლეთა რაოდენობა	20მოსწავლე
გაკვეთილის მიზნები და შედეგები	·         სხვადასხვა გეოგრაფიული ობიექტის გეოგრაფიული კოორდინატებისა და ადგილმდებარეობის დადგენა. ·         მოსწავლე იძენს სივრცეში ორიენტირების უნარს. შეძლებს ნებისმიერი წერტილის კოორდინატის დადგენას, ანდა კოორდინატის მიხედვით ნებისმიერი ობიექტის მოძებნას,
ე.ს.გ-ით განსაზღვრული მიზნები და ამიცანები	გეო.VII 3.მოსწავლეს შეუძლია ორიენტირება სივრცეში ·         რუკაზეგანსაზღვრავს საკოორდინატო ბადის ძირითად ელემენტებს ·         რუკის გამოყენებით განსაზღვრავს მნიშვნელოვანი გეოგრაფიული ობიექტების კოორდინატებს(მაგ.დედაქალაქი,კუნძულები,მწვერვალები და სხვ.) ·         ასახელებს ერთ განედზე ან გრძედზე მდებარე ქალაქებს ·         ატლასის საძიებო სისტემის გამიყენებით განსაზღვრავს გეოგრაფიული ობიექტის მდებარეობას
წინარე ცოდნა	ბავშვებმა იციან რუკის ელემენტები:ეკვატირი, საწყისი მერიდიანი, პოლუსები. მოსწავლეები ფლობენ კომპიუტერზე მუშაობის ელემენტარულ უნარ-ჩვევებს.
რესურსები:	სახელმძღვანელო-„გეოგრაფია“-7კლასი.ავტორები:გ.ჭანტურია, მ.ბლიაძე, დ.კერესელიძე. ნახევარსფეროების ან მსოფლიოს ფიზიკური რუკა. ფლობენ კომპიუტერზე მუშაობის ელემენტარულ უნარ-ჩვევებს.
შეფასების საგანი და პროცედურები:	მოსწავლეები შეფასდებიან წინასწარ შემუშავებული რუბრიკის მიხედვით. გამოვიყენებთ თვითშეფასებებს და ურთიერთშეფასებებს.
გაკვეთილიას მსვლელობა:	A ფაზა გაკვეთილის დასაწყისში, ვთხოვ მოსწავლეებს, დააკვირდნენ მონიტორზე გამოსახულ ნახევარსფეროების რუკას და გამოთქვან ვარაუდი, რატომ არის რუკა „დასერილი“ ხაზებით. ვარაუდების მოსმენის შემდეგ, ვთხოვ გაიხსენონ:რა არის ეკვატორი, გრინვიჩის მერიდიანი და მოზებნონ ისინი რუკაზე. შემდეგ ვთხოვ წყვილებში იმუშაონ და დაადგინონ, რომელ ნახევარსფეროში მდებარეობს:აფრიკა, ევროპა, სამხრეთ ამერიკა, ჩრდილოეთ ამერიკა, ოკეანეები,საქართველო. Bფაზა-(შინაარსი) მინი ლექცია და პრაქტიკული სამუშაო-20წთ. ატარებ მინი ლექციას გრადუსთა ბადისა და გეოგრაფიული ლოორდინატების შესახებ. კლასს ვყოფ ჯგუფებად-სულ 3 ჯგუფად და თითოეულ ჯგუფს ეძლევა დავალება-ამოცანა კოორდინატებზე. სამუშაოს შესრულების შემდეგ ხდება ნამუშევრების პრეზენტაცია. C-ფაზა(რეფლექსია)-15წთ. გაკვეთილის ბოლოს თითოეულ მოსწავლეს ეძლევა ინდივიდუალური დავალება კომპიუტერთან უნდა განსაზღვრონ მათ მიერ შერჩეული2 ობიექტის გეოგრაფიული კოორდინატები. შესრულებულ ნამუშევრებს მოსწავლეები ერთმანეთს უცვლიან და ერთმანეთის ნამუშევრებს ასწორებენ
გამოყენებული რესურსი:	კომპიუტერი, გლობუსი, ნახევარსფეროების რუკა, სახელმძღვანელო-7კლასის:გეოგრაფია-ავტორი-ჭანტურია,ბლიაძე.